ಮನದಾಳದ ಮಧುರ ಪಿಸುಮಾತುಗಳನು
ವ್ಯಕ್ತಪಡಿಸಲು ಅಂಜಿ ಹೃದಯಲಿ ಬಚ್ಚಿಟ್ಟು
ಕಾದಿರುವೆ ಗೆಳತಿ ನಿನಗಾಗಿ ಬಹುದೊರದಿ ನಿಂತು !
ಮನದಲಿ ಹತ್ತಾರು ಹಸಿ ಬಿಸಿ ಭಯಕೆಗಳು
ಹೊಂಗನಸ ಕಾಣುತಿವೆ
ನಿನ್ನಯಾ ಒಲವಿನ ಮೃದು ಸ್ಪರ್ಶಕಾಗಿ !
ತುಸು ನಾಚಿಕೆಯಾ ಕಣ್ಣೋಟವ ಬಿರಿ
ಮಂದಹಾಸದಿ ತನುಮನವ ಅರಳಿಸಿ
ಪ್ರೀತಿಯ ಪಯಣದಿ ಮಿಡಿದ ಮಿಡಿತ ನೀನಾದೆ !
ನನ್ನೀ ಅಂತರಂಗದ ಭಾವನೆ ಅರಿತು
ಪ್ರೀತಿಯ ಸೋನೇ ಮಳೆ ಸುರಿದ
ಕನಸಿನಾ ಕಲ್ಪನೆಯ ಬಾಳ ಗೆಳತಿ ನೀ !
ಬಿಟ್ಟಿರುವೆ ಖಾಲಿ ಪುಟಗಳನು ಎನ್ನೆದೆಯಲಿ
ಬಂದು ಗೀಚಿ ಹೋಗು ನೀನೊಮ್ಮೆ
ನಿನ್ನದೇ ಪದಗಳನು ವಾತ್ಸಲ್ಯದ ಲೇಖನಿಯಲಿ....!!
