!!... ನೀನಿಲ್ಲದ ಬಾಳು ...!!

ನನ್ನ ಕಣ್ಣಲಿ ಮೂಡುವುದು ನಿನ್ನದೇ ಕನಸುಗಳು
ಮನದಾಳದಿ ಕೆದಕುವುದು ನಿನ್ನದೇ ನೆನಪುಗಳು
ಹೃದಯದಲಿ ನೀ ಗೀಚಿದೆ ಪ್ರೀತಿಯಾ ಅಕ್ಷರವಾ
ಭಾವದಲಿ ಅಚ್ಚೊತ್ತಿದೆ ನಿನ್ನದೇ ಹೆಜ್ಜೆ ಗುರುತುಗಳ
ಹೇಳೆ ಸತಿ ನೀನಿಲ್ಲದ ಬಾಳು ಬಾಳೆ ಎನಗೇ ....!!

!!... ಬರುವಿಕೆ ...!!

ಕನಸಿನೊಳಗಿನ ಮಧುರ  ಕನಸಾಗಿ ಬಾ ಗೆಳತಿ ,
ಮನಸಿನೊಳಗೆ ಹೊಸಗನಸೊಂದ ಹೊತ್ತು ತಾ,
ಕಾದಿರುವೆ ನಾ ಹೃದಯದಂಗಳದಲ್ಲಿ ಪ್ರೀತಿಯಾ ಚುಕ್ಕಿ ಇಟ್ಟು,  
ರಂಗೋಲಿಯ ಚಿತ್ತಾರವ ಬಿಡಿಸಿ ನಿನ್ನಾ ಬರುವಿಕೆಗಾಗಿ ,
ಬರುವೆ ತಾನೇ ಓ ಗೆಳತಿ ಈ ನಿನ್ನ ಇನಿಯನಿಗಾಗಿ...??

!!.... ಬಾಳ ಒಡತಿ ....!!

ಎಲ್ಲೋ ಹುಟ್ಟಿ ಎಲ್ಲೋ ಬೆಳೆದು ತಿಳಿದೂ ತಿಳಿಯದೆ
ನೀ ಬಂದೆ ಬಾಳ ದೋಣಿಯಲಿ ಜೊತೆಯಾಗಿ ಇಂದು
ಮುದುಡಿದಾ ಮನದಲ್ಲಿ ನವಗನಸೊಂದ ತಂದು  
ಭಾವ ಬಂಧನದ ಬೆಸುಗೆಯಾ ನೀ  ಹೊಸೆದೆ.

ಮೆಲ್ಲನೇ ನನ್ನ ಬೆರಳಲಿ ನಿನ್ನ ಬೆರಳನಿಟ್ಟು
ಕಣ್ಣಂಚಲಿ ತುಸು ನಾಚಿ ಕಾಲಲಿ ರಂಗೋಲಿಯಾ ಗೀಚೀ
ತುಟಿಯಂಚಲೆ ಮನ ಸೆಳೆದು ಮೌನದಿ  ನೀ  ಬರೆದೆ
ಎನ್ನೆದೆಯ ಪುಟಗಳಲಿ ಹೊಸ ಬಾಳ ಮುನ್ನುಡಿಯ

ಹೃದಯದ ಪಿಸುಮಾತ ಮೆಲ್ಲಗೆ ಹೇಳುವಾಸೆ ನಿನ್ನಲ್ಲಿ
ಏಕೋ ಮಾತುಗಳು ಕರಗುವವು ಮಂಜಿನಾ ಹನಿಯಂತೆ
ಸನಿಹ ನೀನಿರಲು ನೊರೆಂಟು ಹೊಸ ಭಾವ ಮನದಲ್ಲಿ
ಭಾವ ನನ್ನದಾದರೂ ಅದರೊಳಗಿನ ಭಾವನೆ ನಿನ್ನದೇ

ನಿನಲ್ಲವೇ  ಒಡತಿ ಜೊತೆಯಾಗಿ ಇರುವವಳು
ನನ್ನೀ ಬಾಳ ಕೊನೆಯ ಉಸಿರಲಿ ಉಸಿರಾಗಿ  ...!!!

!! ... ಸ್ನೇಹ ... !!

ನಾನಿಂದು ಬಂಧಿಯಾಗಿಹೆನು
ನಿನ್ನಯಾ ಸ್ನೇಹದ ಪಾಶದಲಿ
ನಮ್ಮೀ  ಮನಸುಗಳ ನಡುವಿಲ್ಲ
ಮೌನದಾ ಪರದೆಯ ಜಾಡು

ತಡೆಯಿಲ್ಲದೆ ಹರಿದಾಡುವುದು
ಪಿಸುಮಾತಿನ ಸಂದೇಶಗಳು
ಬಾಳ ಪಯಣದಲಿ ಸಾಗುವ
ಸ್ನೇಹದ ದೋಣಿಯನೇರಿ

ಸದ್ದಿಲದೆ ಮೌನದಿ ಶುರುವಾದ ಈ ಸ್ನೇಹ
ಕೈ ಜಾರಿ ಮರೆಯಾಗದಿರಲಿ ಎಂದೂ ..!!

!!...ಪದಗಳೇ ಸಿಗುತಿಲ್ಲ ..!!

ಚಂದಿರನು ನಸುನಾಚಿ ಅಡಗಿಹನು ಬಾನಲ್ಲಿ
ತಾರೆಗಳು ಬೆರಗಾಗಿ ಮರುಗಿಹವು ಮನದಲ್ಲಿ
ಕಾರ್ಗತ್ತಲು ಓಡಿಹುದು ನಿನ್ನಯಾ ಕಾಂತಿಗೆ ಅಳುಕಿ ,
ತಾವರೆಯು ಮುಸಿನಗುತ ಮೆಲ್ಲಗೆ ಅರಳಿಹುದು
ನಿನ್ನಯಾ ತುಟಿಯಂಚಿನ ಮುಗಳ್ನಗೆಗೆ ಮನಸೋತು ..
ಏನೆಂದು ಹೊಗಳಲಿ ನಿನ್ನರೂಪ ರಾಶಿಯ ಗೆಳತಿ
ಪದಗಳೇ ಸಿಗುತ್ತಿಲ್ಲ ಮನದ ಬತ್ತಳಿಕೆಯಲಿ .....!!

!!... ಸ್ನೇಹ ಹಸ್ತಾಕ್ಷರ ...!!

ಮುಗುಳ್ನಗೆ ಬಿರುತಾ ಜೊತೆ ನೀನಿರಲು
ಬೇರೇನೂ ಬೇಡ ಗೆಳೆಯಾ ಈ ಜೀವಕೆ
ಮನವು ರೆಕ್ಕೆ ಬಿಚ್ಚಿ ಹಾರುವುದು ಸ್ವಚ್ಚಂದದಿ
ಮುಗಿಲ ಎಲ್ಲೆಯ ದಾಟಿ ಕಾಣದಾ ಲೋಕದೆಡೆಗೆ.!

ನಿನ್ನಯಾ ಸ್ನೇಹದಾಸರೆ ನನಗಿರಲು
ನನ್ನೀ ಸೋತ ಮನಸಿನ ಭಾವ ಭಾವಕೆ
ಚಿಲುಮೆಯಾ ಸ್ಪೂರ್ತಿ ನಿನಾಗುವೆ ಗೆಳೆಯಾ
ಬೀರು ಬೇಸಿಗೆಯಲಿ ಲತೆ ಚಿಗುರುವಂತೆ.!

ಮುಗ್ದ ಮನಗಳ ಮಧುರ ನಮ್ಮೀ  ಈ ಸ್ನೇಹ
ಹಾಲಿನಂತೆ ತಿಳಿಯಾಗಿರಲಿ ಎಂದೆಂದಿಗೂ
ಅರಿತು ಅರಿಯದೆಯೇ ಗೀಚಿರುವೆ ಸ್ನೇಹ ಹಸ್ತಾಕ್ಷರವ
ನಿನ್ನಯ ಅಂತರಂಗದ ಭಾವನೆಯ ಪುಟಗಳಲಿ
ಅಳಿಯದೆ ಉಳಿವುದೆಂಬ ಭಾಂದವ್ಯದ ನಂಬಿಕೆಯಲಿ ....!!

!!.... ಮಂದಹಾಸ...!!

ಸಾರಿ ಹೇಳುತಿದೆ ಮನದೊಳಗಿನ ಭಾವನೆಯ
ಅರಳಿದಾ ಮೊಗದಲ್ಲಿನ ಈ ನಿನ್ನ ಕಿರು ಮಂದಹಾಸ
ಕಣ್ಣಂಚಲಿ ಹಾಗೇ ಮಿನುಗುತಿದೆ ನನ್ನದೇ  ಭಾವ ಬಿಂಬ
ಇರುವೇ ನಾ ಸದಾ ನಿನ್ನಯಾ ಹೃದಯದಂಗಳದಲಿ
ಪ್ರೀತಿಯಾ ರಂಗೋಲಿಯಲಿ ಒಲವಿನಾ ಚುಕ್ಕಿಯಾಗಿ ....!!

!! .... ವಾತ್ಸಲ್ಯದ ಲೇಖನಿ ...!!

ಮನದಾಳದ ಮಧುರ ಪಿಸುಮಾತುಗಳನು
ವ್ಯಕ್ತಪಡಿಸಲು ಅಂಜಿ ಹೃದಯಲಿ ಬಚ್ಚಿಟ್ಟು
ಕಾದಿರುವೆ ಗೆಳತಿ ನಿನಗಾಗಿ ಬಹುದೊರದಿ ನಿಂತು !

ಮನದಲಿ ಹತ್ತಾರು ಹಸಿ ಬಿಸಿ ಭಯಕೆಗಳು
ಹೊಂಗನಸ ಕಾಣುತಿವೆ
ನಿನ್ನಯಾ ಒಲವಿನ ಮೃದು ಸ್ಪರ್ಶಕಾಗಿ !

ತುಸು ನಾಚಿಕೆಯಾ ಕಣ್ಣೋಟವ ಬಿರಿ
ಮಂದಹಾಸದಿ ತನುಮನವ ಅರಳಿಸಿ
ಪ್ರೀತಿಯ ಪಯಣದಿ ಮಿಡಿದ ಮಿಡಿತ ನೀನಾದೆ !    

ನನ್ನೀ ಅಂತರಂಗದ ಭಾವನೆ ಅರಿತು
ಪ್ರೀತಿಯ ಸೋನೇ ಮಳೆ  ಸುರಿದ
ಕನಸಿನಾ ಕಲ್ಪನೆಯ ಬಾಳ ಗೆಳತಿ ನೀ !

ಬಿಟ್ಟಿರುವೆ ಖಾಲಿ ಪುಟಗಳನು ಎನ್ನೆದೆಯಲಿ
ಬಂದು ಗೀಚಿ ಹೋಗು ನೀನೊಮ್ಮೆ
ನಿನ್ನದೇ ಪದಗಳನು ವಾತ್ಸಲ್ಯದ ಲೇಖನಿಯಲಿ....!!

!!... ಮನದೊಡತಿ ...!!

ಮನದ ಮನೆಯೊಳಗೇ
ಮನದೊಡತಿ ಬಂದಿರಲು
ಭಾವನೆಗಳು ಚಿಗುರೊಡೆದು
ಭಾಂದವ್ಯದ ಬೆಸುಗೆ ಬೆಸೆಯುವುದು
ಅರಿತು ಅರಿವಿಲ್ಲದೆ ಮಮತೆಯ
ಬಂಧನದ ತೆಕ್ಕೆಯಲಿ ಹಾಗೇ .....!!!

!!... ಮೂಕ ಮನದ ಮೌನ ರಾಗ ...!!

ಮೂಕ ಮನದ ಮೌನ ರಾಗವು
ತನ್ನೆದೆಯ ವೀಣೆಯ ತಂತಿಯಲ್ಲಿ
ಮಧುರವಾಗಿ ಮೆಲ್ಲನೆ ಮಿಡಿಯಲು
ಎನ್ನೆದೆಯಾ ಅಂತರಾಳದ ಭಾವವು
ಹುಚ್ಚೆದ್ದು ಜಿಗಿದು  ಕುಣಿಯಿತು
ಆ ಸವಿನಾದಕೆ ಮನಸೋತು ....

!!..ಬಣ್ಣದ ಮೀನು..!!

ಸಾಗರದಾಳದಲಿ ಹುದುಗಿರುವಾ
ಮಿನುಗುವ ಸುಂದರ ಮೀನು ನೀನು,
ಕಪ್ಪೆಚಿಪ್ಪಿನಲಿ ಬಚ್ಚಿಟ್ಟು ನಿನ್ನನ್ನು
ಪ್ರೀತಿಯ ಸೋನೇ ಮಳೆ ಸುರಿಸುವಾಸೇ
ನನ್ನೀ ಪುಟ್ಟ ಹೃದಯದಲಿ,
ನನಸಾಗುವುದೇ ನನ್ನೀ ಕನಸು
ನೀ ಹೇಳೇ ಓಲವೇ .....

!!...ನೆನಪಿನಾ ಬಂಡಿ ...!!

ಪಯಣಿಸುತಿರುವೆ ನಾನಿಂದು ನೆನಪಿನಾ ಬಂಡಿಯಲಿ
ಬೀರು ಬಿಸಿಲು ಗಾಳಿ ಮಳೆಗಳ ಚಿಂತೆ ನನಗಿಲ್ಲಾ
ಸಾಗುತಿರುವೆ ಎತ್ತಲೋ ಗುರಿ ಇಲ್ಲದ ತೀರದೆಡೆಗೆ
ಭಾವ ಭಾವನೆಗಳ ಎಲ್ಲಿ ಮೀರಿ ಮನಸಿನಾ ಕನಸ ಬಚ್ಚಿಟ್ಟು
ಕಾಣದ ಭರವಸೆಯ ಬೆನ್ನು ಹತ್ತಿ ಮರೆತು ಮರೆಯದೆ
ನಿನ್ನದೇ ಸವಿನೆನಪುಗಳ ಬಾಳ ದಾರಿಯಲಿ .....

!!.. ಪ್ರೀತಿಯ ಕಂಪನ ..!!

ನಿನ್ನೆದುರು ನಾ ನಿಂತು ಕೈ ಬೀಸೀ ಕರೆದೇ
ಮೌನದಿ ಉತ್ತರಿಸದೇ ನೀ ತುಸು ದೂರ ನಡೆದೇ
ಹಾಗೇ ಮನದಲಿ ಕೊರಗಿ ನಾ ನೊಂದು ನಿಂತೇ
ಆದರೆ ದೂರದಿ ನೀ ನಿಂತು ಕಿರುನಗೆಯ ಬೀರಿದೆ,

ಮನದೆಲ್ಲೇಕೋ ಮೂಡಿತು ಮಂದಹಾಸದ ಎಳೆಯು
ಭಾವವು ನುಡಿಯಿತು ನಿನ್ನಾ ಕುಡಿನೋಟದ ಭಾಷೆಯ
ಸನಿಹ ಬಂದು ಉಲ್ಲಾಸದಿ ಬರಸೆಳೆದು ಬಿಗಿದಪ್ಪಲು
ತುಟಿಕಚ್ಚಿ ನಾಚಿ ನೀರಾಗಿ ನೀ ಕರಗಿ ಹೋದೆ ,

ಮನದಿ ಮಿಡಿಯುತಿದೆ ಅಂತರಾಳದ ಪ್ರೀತಿಯ ಸೆಳೆತ
ಮುಂಗುರುಳ ಸರಿಸಿ ಮನದನ್ನೆಯ ಚುಂಬಿಸುವಾಸೆ ನನ್ನಲ್ಲಿ
ನಿನ್ನಯಾ ಹಸಿಬಿಸಿಯುಸಿರ ಅಧರವು ಬಾಚಿ ತಬ್ಬಿದೆ ತುಟಿಯ
ಮಾತೆಲ್ಲ ಕರಗಿ ಮಾಯವಾಗಿದೆ ಮೌನದಾ ಪರದೆಯಲಿ ,

ಎನ್ನೆದೆಯ ಪ್ರತಿ ಮಿಡಿತದ ಅನುರಾಗದ ಚುಕ್ಕಿಯನಿಟ್ಟು
ಹೃದಯದಂಗಳದಿ ನೀ ಗೀಚಿದೆ ಒಲವಿನ ರಂಗೋಲಿಯ
ಮುತ್ತಿನಾ ಮಳೆಗರೆದು ಬಣ್ಣದ ಓಕುಳಿಯಿಟ್ಟೆ ಎದೆಯ ಚಿಪ್ಪಲ್ಲಿ
ನನ್ನೆದೆಯ ಭಾವ ತಂತಿ ಮೀಟಿ ಹೊಸರಾಗವ ನೀ ಹಾಡಿದೆ
ಏನೆಂದು ಹೇಳಲಿ ಗೆಳತೀ ನಾ ನನ್ನೀ ಮನದ ಕಂಪನವ....!!

.. ಭಾವ ..

ಮನಸಿನಾ ಅಂಗಳದಲಿ
ಕನಸಿನಾ ತೋರಣವ ಕಟ್ಟಿ
ಬೆಳದಿಂಗಳ ತಿಳಿ ರಾತ್ರಿಯಲಿ
ನೆನಪಿನಾ ಪಲ್ಲಕ್ಕಿಯನು ಏರುವಾಸೆ
ನನ್ನೀ ಅಂತರಂಗದ ಭಾವಕೆ ....!!!

!!.... ನೆನಪು ...!!

ಮರೆವೆನೆಂದರೆ ಹಾಗೇ ಮರೆಯಲಾದೀತೆ ಈ ಮನಕೆ
ಆ ಸುಂದರ ಸವಿ ಕ್ಷಣಗಳ ಮನದೊಳಗಿನ ನೆನಪುಗಳ
ಸುಮ್ಮನೆ ಬಂದು  ಕಾಡುವವು ಒಂಟಿಯಾದ ಜೀವಕೆ
ಭಾವನೆಗಳ ಮೋಹದಾ ಬಣ್ಣ ಬಣ್ಣದ ಕನಸುಗಳು
ನಿಂತಲ್ಲೇ ನಿಲುತಿಲ್ಲಾ ಎಲ್ಲೆಲ್ಲೋ ಓಡುತಿದೆ ಮೆಲ್ಲನೆ
ನನ್ನಾ  ಮನದಾಳದ ಹಸಿ ಬಿಸಿ ಬಯಕೆಗಳು
ಹೇಳು ನೀ ಒಲವೇ  ಏನಾಯ್ತು ನಂಗೆ ಯಾಕಾಯ್ತು ಹಿಂಗೇ .....!!!

!!... ನನ್ನೊಳಗಿನ ಭಾವ ...!!

ಮನದಲ್ಲಿ ಮೂಡುವುದು ನೂರಾರು ಹೊಸ ಭಾವಗಳು
ಅರಿವಿಲ್ಲದೆ ಬದಲಾಗುವ ನನ್ನೊಳಗಿನ  ತುಮಲಗಳು
ಹೆಜ್ಜೆ ಹೆಜ್ಜೆಗೂ ಮನದಿ ಮೂಡುವವು ಹತ್ತಾರು ಕಲ್ಪನೆಗಳು
ಇಬ್ಬನಿಯ ಹನಿಯಂತೆ ಜಾರುವ ಮನದ ಮಾತುಗಳು
ಅರಿಯದಾದೆ ನಾನಿಂದು ಯಾಕೆ ಹೀಗಾಯ್ತು ನನ್ನೊಳಗಿನ ಭಾವಕೆ ....!!!

!! ...ಅಮ್ಮಾ .. ♥

ಮಾತಿನಲ್ಲಿ ಹೇಳಲಾಗದ ಅರ್ಥಯಿಸಿ ವಿವರಿಸಲಾಗದ 
ಭಾಂದವ್ಯದ, ಸಹನೆಯ ಪವಿತ್ರ ಭಂದ ನೀನು ,
ನಿನ್ನಯ ಓಲುಮೆಯ ಭಾವಪೂರ್ಣ ಕರೆಯೋಲೆಗೆ 
ಕರಗದ ಮನವೆಲ್ಲಿದೇ ಈ ಸುಂದರ ಜಗದಲಿ.

ನಿನ್ನಯ ಮಮಕಾರದ ಸೆಳೆತಕೆ ಚಿಗುರುವುದು
ಬತ್ತಿದಾ ಭಾಂದವ್ಯದ ಅನುರಾಗದ ಚಿಲುಮೆ
ಹೇಳಲು ಬರುತಿಲ್ಲಾ ಮೂಕಾಗಿದೆ ನಿನ್ನೊಲವ ಸದ್ದಲ್ಲಿ ,
ಏನೆಂದು ಬರೆಯಲಿ ನಾ ಪದಗಳಲಿ ಅಮ್ಮಾ
ಜೀವಕೆ ಜೀವ ಬೆಸೆದ ವಾತ್ಸಲ್ಯದ ಪ್ರತಿರೂಪವೇ ನೀನಿರುವಾಗ... ♥ !!

!!.. ಮನದ ಭಾವ ..!!

ಎನ್ನೆದೆಯಾ ಭಾಂದವ್ಯದ ಭಾವಗಳ ಚುಕ್ಕಿ ಇಟ್ಟು  
ನಿನ್ನರಮನೆಯ ಅಂಗಳದಲಿ ಚಿತ್ತಾರ ಬರೆವಾಸೆ
ಮನದಾಳದಲಿ ಮೂಡಿ ಬಂದ ಮನದ ಮಾತು
ತುಟಿಯಂಚಲಿ ನಸುನಾಚಿ ಕರಗಿದೆ ನೀರಾಗಿ
ಕಣ್ಣಂಚಿನ ಕುಡಿನೋಟ ಹೇಳಬಯಸಿದೆ ನಿನಗೆ
ಅದರದಲಿ ಕರಗಿದಾ ಮನದ ಮೌನದ ತುಡಿತವ ....!!

!!..ಹಂಬಲ ..!!

ಮತ್ತೆ ಮತ್ತೆ ನಾ ಗೀಚುವೆ ನಿನ್ನಯ ಹೆಸರ
ಕಡಲಿನಾ ದಂಡೆಯ ತೇವವಾದ ಮರಳಿನಲಿ
ಅರಿವಿದೆ ನನಗೆ ನಿಲ್ಲದೆಂದು ಅಲೆಯ ರಭಸಕೆ
ಆದರೂ ಬರೆಯುವ ಆಸೆ ನನ್ನೀ ಮನಕೆ
ಅದೇನೋ ಸೆಳೆತೆ ಅದೇನೋ ತುಡಿತ ಆ ಹೆಸರಿನಲಿ...!!

!!..ಹೇಳು ಬಾ ಒಲವೇ ನಾನ್ಯಾಕೆ ಹೀಗಾದೆ..!!

ಹೃದಯದ ಕನ್ನಡಿಯಲ್ಲಿ ಕಾಣುವೇ
ನಿನ್ನದೇ ಮೋಹಕ ಮೊಗವನ್ನಾ
ನಸುನಾಚಿಕೆಯ ಒರೆ ನೋಟವು
ಸೆಳೆದಿದೆ ನನ್ನೀ ತನುಮನವನ್ನಾ

ನಿನ್ನಯಾ ಮನದ ಮಧುರ ಮೌನ
ನಾಚಿಕೆಯಲಿ ರಂಗೇರಿದ ಹಾಲ್ಗೆನ್ನೇ
ತಂಗಾಳಿಗೆ ನಲಿದಾಡುವ ಮುಂಗುರುಳು
ತುಟಿಯಂಚಿನ ತುಂಟ ನಗೆ ಕಾಡಿವೆ ನನ್ನನ್ನು

ನಿನಗಾಗಿ ಕಾದು ಕೂತಿರುವೆ ಸಾಗರದ ತೀರದಲಿ
ರೆಪ್ಪೆ ಮುಚ್ಚದೇ ಇದಿರು ನೋಡುತಿವೆ ನನ್ನೀ ಕಂಗಳು
ಅಲೆಯೊಂದು ಮೆಲ್ಲನೆ ಹೇಳಿದೆ ಬರುವಿಕೆಯ ಭರವಸೆಯ
ನಸುಕಿನ ಹಿತವಾದ ತಂಗಾಳಿಯು ಹೊತ್ತು ತಂದಿದೆ
ನಿನ್ನಯಾ  ಮೈ ಕಂಪನ್ನು ನನ್ನ ಭಾವದ ಒಡಲಿಗೆ    

ಪ್ರೀತಿಯ ಕಂಪೇನು ಸುಳಿದಿಲ್ಲಾ ನನ್ನಲ್ಲಿ
ಆದರೂ ಮನದಲೆಲ್ಲಾ ನಿನ್ನದೇ ಸವಿಗನಸು
ಹೊಸದೊಂದು ಭಾವ ಮಿಟಿದೆ ಹೃದಯದಿ
ನನ್ನೊಳು ನಾನಿಲ್ಲಾ ಅವರಿಸಿಹೆ ನಿ ಎಲ್ಲಾ
ಹೇಳು ಬಾ ಒಲವೇ  ನಾನ್ಯಾಕೆ ಹೀಗಾದೆ..!!

!!..ತೆರೆದ ಮನಸಿನ ಪುಟ...!!

ಮನದ ಮೌನದ ಹಿಂದಿನ
ಪಿಸಿಮಾತುಗಳು ಕೇಳದೇ ನಿನಗೆ
ಬಂದು ನೋಡೋಮ್ಮೆ ಗೆಳತಿ
ತೆರೆದ ಮನಸಿನ ಪುಟಗಳ ತಿರುವಿ
ಅರಿವಾದಿತು ನಿನಗೆ ಮನದಾಳದ
ಕಸಿವಿಸಿಯ ನಸು ಬೆಚ್ಚನೆಯ
ಕನಸುಗಳ ಭಾವನೆಯ ತೊಳಲಾಟ .....!!

!!...ನೀನೆ ಎಲ್ಲಾ ಬರೀ ನೀನೆ ಎಲ್ಲಾ ....!!

ಮತ್ತೆ ಮತ್ತೆ ನೆನಪಾಗುತಿದೆ ಗೆಳತಿ
ಅಂದು ನೀ ಗೆಜ್ಜೆಯ ಸದ್ದ ಮಾಡುತ
ಮೆಲ್ಲಮೆಲ್ಲನೆ ಹೆಜ್ಜೆ ಇಟ್ಟು ನಸುನಾಚುತಾ
ಬಂದು ನನ್ನ ಮೈ ಸೋಕಿದಾ ದಿನಗಳು

ಮನದೊಳಗೆ ಅದೇನೋ ಪುಳಕ ಹೊಸ ತವಕ
ಕಣ್ಣೊಳಗೆ ಕಣ್ಣಿಟ್ಟು ನಸುನಾಚಿ ನೀ ಮೀಟಿದಾಗ
ತುಟಿಯಂಚಲೆ ನೀ ಕರೆದೆ ಮೌನದಿ ಮನ ಸೆಳೆದೆ
ಅದೇನೋ ಮೋಡಿ ನಿನ್ನಾ ಕಂಗಳಲಿ ನಿನ್ನಾ ಮೌನದಲಿ

ನಿರೀಕ್ಷೆಯಲಿ ಇರುವೇ ನಾ ಕನಸಿನಾ ಚೆಲುವೆ
ಕಾದಿಹವು ತನು ಮನಗಳೆಲ್ಲಾ ನಿನ್ನದೇ ಬರುವಿಕೆಯಲಿ
ಕೇಳೇ ಗೆಳತೀ ನಾನೊಬ್ಬ ಕನಸುಗಾರ
ನನ್ನ ಕನಸಲಿ ನೀನೆ ಎಲ್ಲಾ ಬರೀ ನೀನೆ ಎಲ್ಲಾ ....

!!...ನೀನಿಲ್ಲದಾ ಈ ಬದುಕು...!!

ಜೊತೆಯಾಗಿ ಬರುವೆ ನಾ ಗೆಳತೀ
ಈ ಬಾಳ ದೂರ ತೀರದ ಯಾನಕೆ
ಕಣ್ಣಂಚಲಿ ನೂರಾರು ಹೊಂಗನುಸುಗಳ ಕಟ್ಟಿ
ಅದರಲ್ಲೇ ನಿನ್ನಾ ಭಾವವ ಬಿಂಬಿಸಿ
ಕಾದಿರುವೆ ನಾ ನಿನ್ನದೇ ಬರುವಿಕೆಯಲ್ಲಿ
ನೀನಿಲ್ಲದಾ ಈ ಬದುಕು
ಇಬ್ಬನಿ ಇಲ್ಲದಾ ಮುಂಜಾನೆಯಂತೆ
ಭಾವನೆಗಳಿಲ್ಲದಾ ಬರಡು ಮನಸಿನಂತೆ....!!

 <3 ಬಣ್ಣ ಬಣ್ಣದ ಕನಸು <3


ಕಾಣುವೇ ನಾ ಬಣ್ಣ ಬಣ್ಣದ ಕನಸುಗಳ
ನಿನ್ನದೇ ಹೆಸರು ಮನದಲ್ಲಿ ಮೂಡಲು
ನಿನ್ನ  ಕಂಗಳಲಿ ಮರೆಯಾದರೇನು
ಮನದಲ್ಲಿ ನೆನಪಾಗಿ ಉಳಿವೆ
ನಾವಿಬ್ಬರು ದೂರಾದರೇನು
ಹೃದಯ ತೆರೆದು ನೋಡೋಮ್ಮೆ ಗೆಳತೀ
ಕಾಣುವುದು ನಮ್ಮಿಬ್ಬರ  ಪ್ರೀತಿಯಾ ಹೆಜ್ಜೆ  <3 <3

!!..ನಿನ್ನಲ್ಲಿ ನಾನಾಗುವ ಆಸೆ ..!!

ಬೆಳಕಿನಲಿ ನಡೆವಾಗ ನಿನ್ನಾ ನೆರಳಾಗಿ ಬರುವೆ
ಕತ್ತಲ್ಲಿ ಮಿಂಚು ಹುಳುವಾಗಿ ಹಿಂಬಾಲಿಸುವೆ ನಿನ್ನಾ
ತುಟಿಯಂಚಲಿ ನಸು ನಾಚಿಕೆ ನಾನಾಗುವೆ
ನಿನ್ನಾ ನಗುವಿನಲಿ ಕೆನ್ನೆಗುಳಿಯಾಗುವೆ ನಾ
ಮುಂಗುರುಳಾಗಿ ಬರುವೆ ನಾ ನಿನ್ನಾ ಸವಿಗೆನ್ನೇ ಸವರಲು
ಆದರೆ ನೆನಪಿಡು ಗೆಳತಿ ನಿನ್ನಾ ಕಣ್ಣಂಚಿನಲ್ಲಿ ಕಣ್ಣೀರಾಗಲಾರೆ
ಬದಲು ನಿನ್ನಯ ಬಾಳ ಪಯಣದಲಿ ನಿನ್ನಾ ಜೀವಕೆ ಉಸಿರು ನಾನಾಗುವೆ....

ಪ್ರೀತಿ ...

ಭಾವನೆಯೆಂಬ ಸಾಗರದ ಗರ್ಭದಲಿ
ಮನಸಿನಾ ಪುಟ್ಟ ಗೂಡಲ್ಲಿ
ಅದೇನೋ ಸೆಳೆತಾ
ಅದೇನೋ ಪುಳಕ
ನನ್ನೊಲುಮೆ ಅವಳಲ್ಲಿ
ಅವಳ ಹೃದಯ ನನ್ನಲ್ಲಿ....ಇದೇನಾ ಪ್ರೀತಿ ....???

ಕಣ್ಣಾಮುಚ್ಚಾಲೆ ...

ಬೆಳಕು ಕತ್ತಲೆಗಳ ನಡುವಿನಾ
ಕಣ್ಣಾಮುಚ್ಚಾಲೆ ಆಟದ ಜೊತೆಗೆ
ಋತುಗಳು ಉರಳಿದವು ,
ಭಾವ ಭಾವನೆಗಳ ಬಾಂಧವ್ಯದ ಸಾಗರದಲಿ
ನೆನಪಿನಾ ಅಲೆ ಅಪ್ಪಳಿಸಿತು..
ನಿನ್ನಾ ಹೃದಯದಾ ಪುಟದಲಿ
ಅಕ್ಷರವಾಗಿ ಉಳಿಯುವಾ ಈ ಇನಿಯನ ಆಸೆ
ನೆರವೆರಿತೇ ಗೆಳತೀ ???

ಗೆಳತೀ ....

ನಸುನಾಚುತ ಬೆಳದಿಂಗಳ ರಾತ್ರಿಯಲಿ
ಮೋಡದಾ ಮರೆಯಿಂದಾ
ಮುತ್ತಿನಾ ಮಳೆ ಹನಿ ಜಿನುಗಲು ಇಳೆಗೆ
ಮೀಯುವೆ ನಾ
ನಿನ್ನಾ ನೆನಪಿನಾಳದ ಕಡಲಲ್ಲಿ ಗೆಳತೀ .......!!